Stadnamninnsamling

Er du interessert i stadnamn? Her kan du finna stadnamn som er samla inn gjennom mange år, dei blå prikkane er henta frå Universitetet i Bergen si stadnamnsamling.

Du kan sjølv bidra med å leggja inn dine namn i kartet, slik som dei gule prikkane viser. Ta kontakt så kan du få tilgang til å gjera dette sjølv og bidra med å ta vare på dei lokale stadnamna.

Har du samla inn stadnamn som du vil dela, kan du gjera som Brynjar Takle, han hadde samla over 5000 stadnamn i Gulen. Dette var lagt inn i eit exel-ark med ein koordinat på lokaliteten til stadnamnet. Heile denne samlinga vart kopla opp i kartet og er no tilgjengeleg i Nordhordlandskartet.

I Meland kommune kan du og få høyra lydfila med rett uttale av namnet.